Bu günədək dünyada təqribən 80 minə yaxın insan pandemiyanın qurbanı olub.
YeniAvropa xəbər verir ki, bu barədə Ümumdünya Səhiyyə Təşkilatı (ÜST) məlumat yayıb. Məlumatda bildirilir ki, hazırda dünyada koronavirusa yoluxanların sayı 1 353 361 nəfərdir. İndiyə kimi 79 235 nəfər pandemiyanın qurbanı olub.
ÜST-nin məlumatına görə, son sutka ərzində dünyada daha 73 639 nəfər koronavirusa yoluxub, 6 695 nəfər COVID-19 infeksiyasından ölüb.
Hazırda dünyada koronavirusa ən çox yoluxma Avropa regionunun payına düşür. Köhnə qitədə 720 219 nəfər koronavirusa yoluxub.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 209 ölkə və bölgədə qeydə alınıb.
Ümumdünya Səhiyyə Təşkilatı fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
2457
2457
