Martın 31-də Türkiyə Prezidenti Rəcəb Tayyib Ərdoğan və ABŞ Prezidenti Donald Tramp arasında telefon danışığı olub.
YeniAvropa yerli mətbuata istinadla xəbər verir ki, bu barədə Türkiyənin Prezident Administrasiyası məlumat yayıb.Xəbər verilir ki, telefon danışığı zamanı prezidentlər ikitərəfli münasibətləri, regional prosesləri, eləcə də dünyada sürətlə yayılan yeni növ koronavirus (COVID-19) infeksiyası ilə mübarizə məsələlərini müzakirə ediblər. Tərəflər virusla mübarizədə tədbir və təcrübə mübadiləsi əsasında birgə addımlar atmağın vacibliyini vurğulayıblar.
Dövlət başçıları, həmçinin Liviya və Suriyada atəşkəsə riayət olunmasının əhəmiyyətini qeyd ediblər.
2422
2422
