Rusiya Azərbaycanla helikopterlərin satın alınması ilə bağlı məsələni müzakirə edir.
YeniAvropa xəbər verir ki, bu barədə “İnterfaks” agentliyinə müsahibəsində Rusiyanın hərbi-texniki əməkdaşlıq üzrə Federal Xidmətinin rəhbəri Dmitri Şuqayev bildirib. Onun sözlərinə görə, yaxın qonşularla hərbi-texniki əməkdaşlıq kifayət qədər dinamik inkişaf edir. Bu portfelin MDB ölkələri ilə əməkdaşlıq üzrə dəyəri təxminən 2 milyard dollar həcmindədir.
Ölkəmizlə əməkdaşlığın davam etdiyini bildirən nazirliyin rəhbəri əlavə edib ki, Azərbaycanla işbirliyi əsasən satışdan sonrakı xidmətin, quru qoşunlarının texnikası üçün xidmət mərkəzinin və Mi-8 ailəsindən olan helikopter texnikasının təmiri mərkəzinin yaradılmasına yönəlib. Bununla yanaşı, . son məhsulun satılmasına dair məsələ müzakirə olunur.
D. Şuqayev onu da xatırladıb ki, indi gündəmdə Türkiyəyə əlavə "S-400" zenit-raket kompleksi partiyasının satılması dayanır. Hazırda sistemin tərkibi, çatdırılma müddəti və digər şərtlər razılaşdırılır. Həmçinin Türkiyə tərəfinin istehsal prosesində müəyyən iştirakı nəzərdə tutulur.
2261
2261
