İranın korona virusa qarşı aparılan mübarizənin səmərəsini artırmaq məqsədilə Beynəlxalq Valyuta Fondundan (BVF) 5 milyard dollar kredit istəyib.
YeniAvropa yerli mətbuata istinadla xəbər verir ki, bununla bağlı İranın Mərkəzi Bankının sədri Əbdülnasir Himməti BVF-nun rəhbəri Kristina Laqarda məktub ünvanlayıb.
Məktubda qeyd edilib ki, fond virusla mübarizə üçün 50 milyard dollar vəsait ayırıb. İranda virusun geniş yayılması və ABŞ-ın sanksiyaları nəzərə alınmaqla BVF-dən ölkəyə 5 milyard kreditin verilməsi istənilib.
Xatırladaq ki, İranın Səhiyyə Nazirliyində yaradılmış operativ qərargahdan verilən son məlumata görə, ölkədə korona virusa yoluxanların sayı 10075-ə, ölənlərin sayı isə 430-a çatıb.
Məlumatda qeyd edilib ki, son 24 saat ərzində virusa 75 adam yoluxub. Bununla yanaşı, 3 minə yaxın adam xüsusi xəstəxanalarda müalicə alaraq sağalıblar.
2625
2625
