Türkiyə Böyük Millət Məclisinin martın 4-də keçirilən iclasında hakim AKP və müxalifətdə olan CHP-dən olan deputatları arasında dava düşüb.
YeniAvropa yerli mətbuata istinadla xəbər verir ki, CHP millət vəkili Engin Özkoç TBMM-də Türkiyə Prezidenti Rəcəb Tayyib Ərdoğanı ağır sözlərlə təhqir edib.
AKP-çilər isə Özkoçun çıxışına etirazlarını bildiriblər, daha sonra söz davası əlbəyaxa davaya çevrilib. Parlament üzvləri bir-birilərinə yumruq zərbələri endiriblər.