“Mərkəzi Azəri” platformasında hasilata başlanmasından 15 il ötür
Xəzər dənizinin Azərbaycan sektorundakı “Azəri-Çıraq-Günəşli” (AÇG) yataqlar blokundakı “Mərkəzi Azəri” platformasında hasilata başlanmasından 15 il ötür.
YeniAvropa xəbər verir ki, ötən il “Mərkəzi Azəri”dən hasilat gündəlik orta hesabla 134 min barrel olub. İl ərzində platformadan 49 milyon barrel, yəni 6,6 milyon ton neft çıxarılıb.
Yataqda hasilata başlanılan 2005-ci ildən indiyədək isə “Mərkəzi Azəri”dən 937 milyon barrel və ya 127 milyon ton neft çıxarılıb.
Xatırladaq ki, “Mərkəzi Azəri”nin işlənməsi körpü ilə birləşdirilmiş iki platforma vasitəsilə həyata keçirilir – hasilat, qazma və yaşayış platforması, kompressor və suvurma platforması. Bakıdan 100 kilometr məsafədə suyun dərinliyinin 128 metr olan ərazidə yerləşən hasilat, qazma və yaşayış platforması 2005-ci ilin fevralından istismardadır. Platformanın dayaq blokunun hündürlüyü 142,7 metr, çəkisi 12 min 489 tondur. Üst modulların ölçüləri 60x100,3 metr, çəkisi 18 min 500 tondur. Yaşayış yeri isə 198 nəfərlikdir.
Platformanın neft hasiletmə gücü gündəlik 183 min barreldir. “Mərkəzi Azəri”nin obyektlərinə daxildir: 48 quyu gövdəsinə malik bir ədəd hasilat, qazma, yaşayış platforması, 30 düymlük neft kəməri (platformadan Səngəçal terminalına), 28 düymlük qaz kəməri (platformadan Səngəçal terminalına), platformadan gələn nefti qəbul etmək üçün Səngəçal terminalı genişləndirilməsi.
2004–cü ildə kompressor və suvurma platformasının dayaq blokunun tikintisi başa çatıb, blok dənizdə quraşdırılıb. 2005–ci ildə üst modullar dənizə yola salınıb və quraşdırılıb, platforma ilk əməliyyata hazır vəziyyətə gətirilib. “Mərkəzi Azəri”dən ilk neft 2005-ci ilin fevralında hasil edilib. Həmin il platformadan səmt qazı Azərbaycana göndərilməyə başlanıb. 2006–ın ilin mayında isə platformadan ilk qazvurma həyata keçirilib. “Mərkəzi Azəri” quyular komandası fəaliyyətini iş qəzasına görə dayanma olmadan 12 il davam etdirib.
Qeyd edək ki, bu vaxtadək AÇG yataqlar blokundan neft hasilatı 500 milyon tonu (3,5 milyard barrel) ötüb. Azərbaycanın “Azəri-Çıraq-Günəşli”nin işlənməsindən əldə etdiyi birbaşa gəlir 140 milyard dollardan çoxdur. Cari ildə AÇG-dən hasilatın 186,7 milyon barrel olacağı gözlənilir.
AÇG-də tərəfdaşların iştirak payları bu nisbətdədir: BP - 30,37 faiz, “AzAÇG” (SOCAR) - 25 faiz, “Chevron”- 9,57 faiz, “Inpex” - 9,31 faiz, “Equinor” - 7,27 faiz, “ExxonMobil” - 6,79 faiz, “TPAO” - 5,73 faiz, “Itochu” - 3,65 faiz və “ONGC Videsh Limited” (OVL) - 2,31 faiz. AÇG üzrə Hasilatın Pay Bölgüsü haqqında Sazişin podratçı tərəfləri adından “BP Exploration (Caspian Sea) Limited” şirkəti operatordur.
Azərbaycan Kuboku: “Qarabağ” “Neftçi”ni məğlub edərək finala yüksəlib
Qırğızıstan prezidentinin şərəfinə “Gülüstan” sarayında ziyafət verilib
Bayden Ukraynaya 61 milyard dollarlıq hərbi yardım haqda qanunu imzalayıb
İlham Əliyev və Sadır Japarov Çingiz Aytmatovun abidəsinin açılışında iştirak ediblər
“Bakcell” bütün ölkəni bulvardakı konsertə çağırır
Qırğızıstan prezidenti Şəhidlər xiyabanını ziyarət edib
“Air France”ın təyyarəsi Bakıya qəza enişi edib
2026-cı ilədək Cəbrayıl, Qubadlı, Zəngilana 40 min nəfər köçürüləcək
Qırğızıstan prezidenti sabah Ağdamda tikəcəkləri məktəbin təməlini qoyacaq
ABŞ Gürcüstana 13 milyon dollarlıq hərbi-texniki yardım edib
Şuşada elektrik avtobuslar istifadəyə veriləcək
Prezidentin xüsusi tapşırıqlar üzrə nümayəndəsi "BBC"yə müsahibə verib
Azərbaycan-Qırğızıstan İnkişaf Fondunun Nizamnamə fondu 100 milyon dollara çatır
Bakıda Azərbaycan-Başqırdıstan biznes- forumu keçirilib
Azərbaycanla Qırğızıstan arasında 18 sənəd imzalanıb
Qırğızıstan Ağdamda məktəb tikəcək
İlham Əliyev və Sadır Japarov mətbuata bəyanatlarla çıxış ediblər
Azərbaycan-Qırğızıstan sənədləri imzalanıb
HDQ və FHN-in “Dalğa-2024” birgə taktiki təlimi keçirilir
Laçındakı konfransda 30 ölkədən ekspertlər iştirak edirlər
Bakıda Azərbaycan-Qırğızıstan Dövlətlərarası Şurasının II iclası keçirilir
Azərbaycan və Qırğızıstan prezidentlərinin məhdud tərkibdə görüşü olub
Koreyanın 206 mindən çox avtomobilini geri çağırır
Sabah Bakıda 28° isti olacaq
Bakıda Sadır Japarovun rəsmi qarşılanma mərasimi olub