logo

Türkiyə-Azərbaycan oyununun vaxtı bəlli oldu

23:10 18-02-2020 | icon 2765
Türkiyə-Azərbaycan oyununun vaxtı bəlli oldu

UEFA "Evro2020"nin qrup oyunlarını Bakıda keçirəcək milli komandaların turniröncəsi yoldaşlıq matçlarının təqvimini açıqlayıb.

YeniAvropa qurumun rəsmi saytına istinadən xəbər verir ki, Türkiyə yığması Avropa çempionatının startına kimi 4 yoxlama görüşündə qüvvəsini sınayacaq.

Martın 27-də Lyublyanada Sloveniyanın qonağı olacaq "ay-ulduzlular" 3 gün sonra Vyanada Avstriya seçməsi ilə üz-üzə gələcəklər. Şenol Güneşin baş məşqçi olduğu kollektiv növbəti yoldaşlıq görüşlərini may və iyun aylarında keçirəcək. Mayın 26-da Antalyada Azərbaycan millisi ilə qarşılaşacaq türklər iyunun 1-də Osiekdə Xorvatiya yığması ilə oynayacaq.

İsveçrə seçməsi martın 26-da Dohada Xorvatiya, 30-da Belçika, mayın 31-də Bazeldə Almaniya, iyunun 4-də isə Lixtenşteyn millisi ilə qarşılaşacaq.

Uels millisinin isə hələlik 2 rəqibi müəyyənləşib. Britaniyalılar martın 27-də Suonsidə Avstriya, 3 gün sonra isə Kardiffdə ABŞ seçməsi ilə yoldaşlıq oyununda üz-üzə gələcəklər.

Qeyd edək ki, "Evro2020"nin 4 oyunu (3 qrup mərhələsi və bir 1/4 final qarşılaşması) Bakı Olimpiya Stadionunda (BOS) təşkil olunacaq.