Fevralın 9-da Efiopiyanın paytaxtı Əddis-Əbəbədə Afrika İttifaqı dövlət və hökumət başçılarının 33-cü Sammiti öz işinə başlayacaq. YeniAvropa təşkilatın rəsmi saytına istinadla xəbər verir ki, “Silahlar sussun. Afrikanın inkişafı üçün əlverişli şərait yaradılsın” devizi altında keçiriləcək zirvə görüşündə Misir Prezidenti Əbdülfəttah əs-Sisi Afrika İttifaqında sədrliyi Cənubi Afrika Respublikasının dövlət başçısı Siril Ramafozaya təhvil verəcək.
Misir Prezidentinin mətbuat katibi Bəssam Radi jurnalistlərə bildirib ki, Əbdülfəttah əs-Sisi Afrika İttifaqı Təhlükəsizlik Şurasının Liviya, habelə Qərbi Səhrada gərginliklə ilə bağlı iclaslarında iştirak edəcək. Onun sözlərinə görə, ikigünlük sammitdə Afrika qitəsinin problemləri, xüsusən yoxsulluq, miqrasiya və silahlı münaqişələr üzrə məsələlər müzakirə ediləcək. Eyni zamanda, 2063-cü ilədək Afrikada sülh və sabitliyə nail olmaq üçün hazırlanmış plan da müzakirə olunacaq.
Sammit iştirakçıları müzakirələrin yekununa dair Yekun Bəyannaməsi qəbul edəcəklər.
2443
2443
