İcbari tibbi sığorta ilə bağlı 265 min 335 müraciət qeydə alınıb
2020-ci il yanvarın 1-dən icbari tibbi sığorta 23 rayon və şəhərdə tətbiq olunur. Bu regionlara Quba, Qusar, Xaçmaz, Şabran, Siyəzən, Xızı, Şamaxı, İsmayıllı, Ağsu, Qobustan, Balakən, Zaqatala, Qax, Şəki, Oğuz, Qəbələ, Göyçay, Ucar, Zərdab, Kürdəmir, Mingəçevir, Yevlax və Ağdaş daxildir. Sözügedən rayonlarda yerləşən tibb müəssisələri üzrə cari ilin 23 yanvar tarixinə qədər 265 min 335 müraciət qeydə alınıb.
Bu barədə YeniAvropa-ya İcbari Tibbi Sığorta üzrə Dövlət Agentliyinin marketinq və ictimaiyyətlə əlaqələr departamentindən bildirilib.
Sözügedən rayon və şəhərlərdə Ailə Sağlamlıq Mərkəzləri və Təcili yardım şöbələri yaradılıb. Təcili yardım stansiyaları təcili yardım şöbələri ilə birləşdirilib. Təcili yardım şöbələrində “Triaj” sistemi (xəstələrin ağırlıq dərəcəsinə uyğun olaraq müəyyənləşdirilməsi) qurulub. Xəstələrin ağırlıq dərəcəsinə uyğun olaraq qırmızı, sarı, yaşıl otaqlar və uşaq intensiv terapiya otağı ayrılıb. Həmçinin xəstəxanalarda qurulan elektron qeydiyyat sistemi, aparılan struktur dəyişiklikləri vətəndaşlara keyfiyyətli tibbi xidmətlərin göstərilməsinə imkan yaradır.
Tibb müəssisələrinin dərman və tibbi sərfiyatla təchizatı təmin edilib. Tibb müəssisələrinə müraciət edən sığortaolunan vətəndaşlar icbari tibbi sığortanın xidmətlər zərfi çərçivəsində tibbi xidmətlərdən ödənişsiz istifadə edə bilirlər. Xidmətlər zərfinə təcili və təxirəsalınmaz tibbi yardım, ilkin səhiyyə xidməti, ixtisaslaşdırılmış ambulator yardım, stasionar tibbi yardım üzrə 2550 sayda müxtəlif tibbi xidmət daxildir. Bunlardan təcili və təxirəsalınmaz tibbi yardım üzrə 6, ilkin səhiyyə xidməti üzrə 35, ixtisaslaşdırılmış ambulator yardım üzrə 1265 və stasionar tibbi yardım üzrə 1244 xidmət təminata alınıb. Təminata alınmış əməliyyatlar sırasında sayı 150 xidmətdən çox olan həyati vacib - dəyəri yüksək olan əməliyyatlar da daxildir.
Qeyd edək ki, hazırda vətəndaşlardan icbari tibbi sığorta haqqı toplanılmır. İcbari tibbi sığorta haqqının toplanılmasına 2020-ci il aprelin 1-dən başlanılacaq.
Zərərçəkmişin razılığı olmadan fotosunu KİV-də yayanlar cəzalandırılacaq
Vergi orqanlarının vəzifəli şəxslərinin maaşları artırılır
Sabah Bakıda 29° isti olacaq
“Heydər Əliyev adına Beynəlxalq Təhsil Qrantı” elan edilir
Yeni il axşamı kafedə tanışlarını öldürən gəncin məhkəməsi başlayır
Rusiya Ukraynanın şəhərlərini bömbalayıb:Ölən və xəsarət alanlar var
Bakıda bədii gimnastika üzrə Dünya Kuboku start götürüb
Rusiyada hərbi təyyarə qəzaya uğrayıb:Pilotlardan biri həlak olub
Bakıda TDT diplomatiya akademiyalarının toplantısı keçiriləcək
Parlamentdə Hesablama Palatasının ötən il üzrə hesabatı dinlənilir
ABŞ Fələstinin BMT-yə tamhüquqlu üzv olmasını əngəlləyib
Milli Məclisin iclasında 14 məsələ müzakirəyə çıxarılıb
Ağdərə-Ağdam avtomobil yolunun inşasına başlanılıb
İsrail İrana raket zərbəsi endirib
"Xəzər səması-2024" birgə taktiki təlimi keçirilib
Ötən gün cinayət törətməkdə şübhəli bilinən 58 nəfər saxlanılıb
Azərbaycan nefti 88,51 dollara satılır
Qəbiristanlıqdan oğurluq edən keçmiş məhkumlar saxlanılıb
Sumqayıtda valideynlərini öldürən gənc həbs edilib
UEFA Avropa Liqası: Bütün yarımfinalçılar müəyyənləşib
“Azercell” ADA-nın Karyera Hazırlığı Həftəsində iştirak edir
İranlı narkotacirin kuryerində 12 kq marixuana aşkarlanıb
SOCAR “ACWA Power”la "Yaşıl Gübrə” layihəsi çərçivəsində əməkdaşlıq edəcək
Azərbaycanla Türkiyə arasında ikiqat vergitutma ləğv edilir
Azərbaycan ilə Çinin baş prokurorluqları əməkdaşlığı genişləndiriir