2020-ci il fevralın 9-da keçiriləcək növbədənkənar (VI çağırış) parlament seçkilərində yenidən iştiraka qərar verən bitərəf millət vəkillərinin sayı 14-ə çatıb.
YeniAvropa xəbər verir ki, bir qədər əvvəl parlamentin buraxılmasına səs verən deputatlardan daha birisi - 79 yaşlı akademik Ziya Səmədzadə də 5-ci dəfə parlament seçkilərində namizəd olacaq.
Milli Məclisin İqtisadi siyasət, sənaye və sahibkarlıq komitəsinin sədri olan Ziyad Səmədzadə bu dəfə də eyni dairədən-23 saylı Nəsimi-Səbail Seçki Dairəsindən namizədliyini irəli sürüb.
Xatırladaq ki, bundan əvvəl V çağırış Milli Məclisin üzvü olmuş daha 13 bitərəf deputat təkrar öz namizədliyini irəli sürüb. Bunlar aşağıdakılardır: Mahir Aslanov, Novruz Aslan, Əflatun Amaşov, Çingiz Qənizadə, Azay Quliyev, Ülvi Quliyev, Rüfət Quliyev, Adil Əliyev, Azər Kərimli, Hacı Madər Musayev, Səttar Mehbalıyev, Rasim Musabəyov, Fəttah Heydərov .
Qeyd edək ki, ötən parlament seçkisində olduğu kimi, bu dəfə də hakim Yeni Azərbaycan Partiyası tərəfindən bitərəflərin dəstəklənəcəyi, onların irəli sürüldükləri dairələrdən YAP-ın namizəd verilməyəcəyi məlum olub.
2548
2548
