Cari ilin yanvar-noyabr aylarında Azərbaycanla Belarus arasında idxal-ixrac əməliyyatlarının dəyəri 175 milyon ABŞ dollarını ötüb.
YeniAvropa yerli mətbuata istinadla xəbər verir ki, Belarus Dövlət Statistika Komitəsi məlumat yayıb.
Məlumatda qeyd edilir ki, hesabat dövründə ölkəmizə Belarusdan idxalın dəyəri 156 milyon dollar, Azərbaycandan bu ölkəyə ixracın dəyəri isə 19 milyon dollar təşkil edib.
Qeyd edək ki, ötən il Azərbaycanla Belarusun ticarət dövriyyəsi 204 milyon dollara yaxın olub ki, bu da 2017-ci ilə nisbətən təxminən 56 milyon dollar çoxdur.