79 saylı İmişli Seçki Dairəsindən millət vəkili seçilmiş Əsabil Qasımov, növbədənkənar seçkilərə qatılmayacaq. O bu dəfə qeyd edilən dairədən oğlu, "Karat Holdinq"in rəhbəri Taleh Qasımovun namizədliyini irəli sürəcək.
YeniAvropa xəbər verir ki, bu barədə İmişli RİH-də adının açıqlanmamasını istəyən mənbə məlumat verib.
Məlumata görə, millət vəkili indidən 79 saylı Seçki Dairəsindən namizədliyini irəli sürəcək şəxslərə minnətçi düşməyə başlayıb. Onlarla tək-tək görüşərək oğluna maniə yaratmamalarını xahiş edib.
Xəbərdə bildirilir ki, Əsabil Qasımov hətta Musavat Partiyasının 79 saylı Seçki Dairəsindən namizədi,sabiq millət vəkili İltizam Əkbərlinin də qapısın döyüb, ona " Bilirəm, sənin də seçilmə imkanın var, amma gəl namizəd olma və oğlumun seçilməsinə maneçilik törətmə"deyib.
Mənbə bildirir ki, hakim Yeni Azərbaycan Partiyası da Əsdabil Qasımovun yenidən 79 saylı Seçki Dairəsindən namizədliyinə müsbət baxmır və bu dəfə onu namizəd kimi dəstəkləməyəcək.Bu səbəbdən də Əsabil Qasımov indidən öğlu Taleh Qasımovun namizəd olması və millət vəkili seçilməsi üçün bütün imkanlarını səfərbər edib.
Sözügedən məsələ ilə bağlı Əsabil Qasımovun da mövqeyini işıqlandırmağa hazırıq.
2919
2919
