Gürcüstanın Mərkəzi Seçki Komissiyasının (MSK) sədri Tamar Jvania gələn həftə Azərbaycana səfər edəcək.
YeniAvropa yerli mətbuata istinadla xəbər verir ki, bu barədə MSK-nın mətbuat katibi Ana Mikeladze məlumat verib. Onun sözlərinə görə, səfərdə məqsəd dekabrın 23-də Azərbaycanda keçiriləcək bələdiyyə seçkilərini müşahidə etməkdir.
Azərbaycana səfərində T.Jvanianı MSK-nın digər üzvü Marina Tsulukidze müşayət edəcək.
Xatırladaq ki, Tamar Jvania 2013-cü ildən Gürcüstan MSK-na rəhbərlik edir. O, 2018-ci ildə gizli səsvermə yolu ilə təkrar bu quruma rəhbər seçilib. T.Jvania 2023-cü ilədək Gürcüstan MSK-ya sədrlik edəcək.