Dekabrın 9-da Bakıda səfərdə olan Rusiyanın iqtisadi inkişaf naziri Maksim Oreşkin ilə baş nazirin müavini Şahin Mustafayevin görüşü olub.
YeniAvropa xəbər verir ki, bu barədə nazirlər Kabinetindən bildirilib. Görüşdə Azərbaycan-Rusiya iqtisadi-ticarət əlaqələrinə və əməkdaşlıq perspektivlərinə dair müzakirələr aparılıb.
Diqqətə çatdırılıb ki, Rusiya Azərbaycanın əsas ticarət tərəfdaşlarındandır və ticarət dövriyyəsinin həcmində müsbət artım dinamikası müşahidə edilir. Rusiya idxala görə Azərbaycanın əsas tərəfdaşdır, qeyri-neft məhsullarımızın ixracı üzrə isə birinci yerdədir. Ticarət və qarşılıqlı investisiya qoyuluşları Azərbaycan-Rusiya əlaqələrinin mühüm istiqamətlərindən biridir.
2394
2394
