“Evro2020”nin biletləri satışa çıxarılıb
Futbol üzrə “Evro2020”nin oyunları üçün biletlər dekabrın 4-dən satışa çıxarılıb. Bilet satışının ikinci mərhələsinin bu tarixdə başlanması noyabrın 30-da keçirilən püşkatmadan sonra komandaların hansı qrupda və ev sahibi şəhərlərdə oynamasının müəyyənləşməsi ilə bağlıdır.
YeniAvropa AFFA-nın saytına istinadla xəbər verir ki, azarkeşlər dekabrın 4-də saat 17:00-dan dekabrın 18-də saat 17:00-dək ancaq www.euro2020.com/tickets saytı vasitəsilə “Evro2020” oyunlarına biletlər üçün müraciət edə biləcəklər. Hər bir oyuna bilet üçün müraciət edənlərin sayı satışa buraxılan bilet sayını keçərsə, bilet satışı lotereya sistemi vasitəsilə həyata keçiriləcək. Lotereyanın qalibləri onlara e-maillə bildiriş gəldikdən sonra ödənişi həyata keçirib biletləri əldə edəcəklər. Əgər lotereyada iştirak edən müraciət edənlərin sayı satışa buraxılan bilet sayından az olarsa boş qalan biletlər yanvardan etibarən birbaşa satışa çıxarılacaq.
Müraciət edənlər özləri də daxil olmaqla, maksimum 4 bilet ala bilər. Oyunlara biletlər üç kateqoriya üzrə müvafiq olaraq 125, 70 və 30 avro məbləğində təklif olunur. Fiziki məhdudiyyətli şəxslər üçün nəzərdə tutulan biletlər oturacağın yerindən asılı olmayaraq, ən aşağı qiymətə satılan üçüncü kateqoriya biletləri ilə eyni qiymətə - 30 avroya satılacaq və onları müşayiət edən bir nəfər üçün bilet pulsuz veriləcək.
Çempionata ev sahibliyi edəcək digər 9 şəhərdən fərqli olaraq Bakı, Buxarest və Budapeştin ev sahibliyi edəcəyi oyunlar üçün biletlər daha ucuz qiymətlə təklif olunur.
“Evro2020” rəsmi qonaqpərvərlik satış paketləri (VIP biletlər) haqqında məlumat əldə etmək istəyənlər EURO2020.com/hospitality linkinə keçid etməlidirlər.
Əvvəlcədən də məlum olduğu kimi, A qrupunun 3 oyunu – həmçinin dörddəbir final mərhələsinin bir qarşılaşması – Bakı Olimpiya Stadionunda keçiriləcək. Püşkün nəticəsinə əsasən, A qrupunda Türkiyə, İtaliya, Uels və İsveçrə milli komandaları yer alıblar. İyunun 13-də Uels-İsveçrə, dörd gün sonra Türkiyə-Uels, ayın 21-də İsveçrə-Türkiyə oyunları Bakı Olimpiya Stadionunda keçiriləcək. İyulun 4-də dörddəbir final mərhələsinin qarşılaşması Bakıda təşkil olunacaq.
A qrupunda mübarizə aparacaq İtaliya milli komandası qrup mərhələsindəki hər üç oyununu Romadakı “Olimpiko” stadionunda keçirəcək.
Avtobus və taksi fəaliyyətinə dair tələblər təsdiqlənib
Türkiyə Azərbaycanla birgə tarixi film çəkəcək
Xarici işlər naziri istefa verdi...
“Azneft” İstehsalat Birliyinə yeni baş direktor təyin edilib
“Texnika Bank”ın əmlakları təkrar hərraca çıxarılır
Avropa çempionatı: Minifutbol millimizin mümkün rəqibləri bəlli olub
“Lifttəmir”in direktoruna şiddətli töhmət verilib
Sabah Bakıda 17° isti olacaq
Rusiya Ermənistan-ABŞ-Aİ görüşündən narahatdır
Tanışını öldürən şəxsin məhkəməsi başlayır
Paşinyan: Ermənistan mühacir “Dağlıq Qarabağ hökumətini” tanımır
Magistraturaya qəbul imtahanının ikinci cəhdində iştirak etmək üçün qeydiyyat aparılır
Bu gün 4 rayonda qaz olmayacaq
Salyanda nğqsanlar aşkarlanan məktəbin direktoru işdən çıxarılıb
Mərkəzi Bank uçot dərəcəsini endirib
Ötən gün cinayət törətməkdə şübhəli bilinən 55 nəfər saxlanılıb
Bakıda "COP29"a həsr edilən “Dayanıqlı Tikinti Zirvəsi” keçiriləcək
BMT-nin dünya xoşbəxtlik hesabatı: Finlandiya 7-ci dəfə birinci yerdədir
Lənkəranda zəncirvari qəza: Ata və oğul hadisə yerində ölüb
Azərbaycan nefti 87,51 dollara satılır
Azərbaycan təhlükəsizlik orqanlarının yaranmasından 105 il ötür
Sabiq milli təhlükəsizlik naziri Namiq Abbasov vəfat edib
Paytaxtda liftdə baş vermiş bədbəxt hadisə ilə bağlı komissiya yaradılıb
Rəsmi Bakı Rasmussenin hesabatındakı iddiaları qətiyyətlə pisləyib
Aprel ayında Prezidentinin Administrasiyasının vətəndaşların qəbulu CƏDVƏLİ