Dekabrın 4-də Avstriyanın paytaxtı Vyanada OPEC və qeyri-OPEC ölkələrinin nazirlərinin (“OPEC+”) Birgə Monitorinq Komitəsinin 17-ci iclası keçiriləcək.
YeniAvropa xəbər verir ki, bu barədə OPEC məlumat yayıb.
Bildirlib ki, dekabrın 5-də isə Vyanada OPEC Nazirlər Şurasının 177-ci iclası keçiriləcək.
Tədbirlərdə iştirak etmək üçün Azərbaycanın energetika naziri Pərviz Şahbazovun Avstriyanın paytaxtına səfəri planlaşdırılıb.
Xatırladaq ki, ötən il dekabrın 7-də “OPEC plus” üzrə neft hasilatının gündəlik 1,2 milyon barrel azaldılması ilə bağlı imzalanmış “Əməkdaşlıq Bəyannaməsi”nin müddəti bu il iyulun 1-dən 2020-ci ilin ilk rübünün sonunadək uzadılıb.