logo

Bakıda Birləşmiş Ərəb Əmirliklərinin milli bayramı qeyd edilib

20:15 02-12-2019 | icon 2520
Bakıda Birləşmiş Ərəb Əmirliklərinin milli bayramı qeyd edilib

Dekabrın 2-də Bakıda "Fairmount" hoteldə Birləşmiş Ərəb Əmirliklərinin (BƏƏ) milli bayramı – Müstəqilliyin 48-ci ildönümü münasibətilə rəsmi qəbul təşkil edib.

YeniAvropa xəbər verir  ki, BƏƏ-nin Azərbaycandakı səfirliyi tərəfindən təşkil olunan ziyafətdə dövlət və hökumət nümayəndələri, hər iki ölkədən olan iş adamları, ziyalılar. KİV nümayəndələri iştirak ediblər. 

Ziyafət  hərbi orkestrın ifasında Azərbaycan və Birləşmiş Ərəb Əmirliklərinin dövlət himnləri səsləndirilməsi ilə başlayıb.

Tədbirdə çıxış edən səfir Məhəmməd Əhməd Hamil Əl-Qubeysi BƏƏ-nin inkişaf tarixi barədə məlumat verib. Bildirib ki, Birləşmiş Ərəb Əmirlikləri ilə Azərbaycan arasında hörmət və əməkdaşlıq prinsiplərinə əsaslanan ikitərəfli münasibətlər, ölkə başçılarının qarşılıqlı səfərləri, getdikcə genişlənən ticari-iqtisadi və mədəni əlaqələr, BƏƏ-dən təşrif buyuran turistlərin sayının artması müxtəlif sahələrdə əlaqələrimizin nə dərəcədə möhkəm olmasına dəlalət edir. Səfir ölkələrimiz arasında mövcud olan əlaqələrin genişləndirilməsinə öz töhfəsini verən BƏƏ-Azərbaycan Ticarət Məclisinin uğurla fəaliyyət göstərdiyini deyib.

Azərbaycan prezidenti və hökuməti adından Birləşmiş Ərəb Əmirlikləri xalqını milli bayram münasibətilə təbrik edən iqtisadiyyat naziri Mikayıl Cabbarov ölkələrimiz arasında əlaqələrin yüksək səviyyədə olduğunu söyləyib. Nazir bildirib ki, Azərbaycan BƏƏ ilə münasibətlərə xüsusi önəm verir. Qarşılıqlı hörmətə, möhkəm dostluğa və qardaşlığa, bunu daha da zənginləşdirən İslam irsinə əsaslanan əlaqələrimiz həm ikitərəfli formatda, həm də beynəlxalq təşkilatlar çərçivəsində yüksələn xətt üzrə inkişaf edir. Bunu şərtləndirən əsas amil kimi ölkə rəhbərlərinin siyasi iradəsi və yaxın dostluq münasibətlərini xüsusi vurğulamaq lazımdır.

1-1

Nazir BƏƏ-nin Ermənistan-Azərbaycan Dağlıq Qarabağ münaqişəsinin həlli məsələsində ölkəmizin haqlı mövqeyini dəstəkləməsini yüksək qiymətləndirib. Bildirib ki, ölkələrimiz arasında iqtisadiyyatın bir çox sahələrində əməkdaşlıq imkanları genişdir. Dövlətimizin başçısının müəyyənləşdirdiyi siyasətə uyğun olaraq birgə səylərimiz əsasında Azərbaycan-BƏƏ əməkdaşlığı bundan sonra daha da inkişaf edəcək.