Rusiyanın baş naziri Dmitri Medvedyev bu gün azərbaycanlı həmkarı Əli Əsədova ad günü münasibətilə təbrik məktubu ünvanlayıb.
YeniAvropa xəbər verir ki, bu barədə Rusiya hökumətinin mətbuat xidməti məlumat yayıb.
"Rusiya ilə Azərbaycanı geniş sahələrdə davamlı inkişaf edən mehriban qonşuluq, dostluq və tərəfdaşlıq münasibətləri bağlayır. Əminəm ki, hökumət xəttində aktiv birgə iş Rusiya-Azərbaycan münasibətlərini daha da gücləndirəcək və müxtəlif sahələrdə yeni perspektivli layihələrin icrasına əlverişli şərait yaradacaq", - deyə təbrik mətnində vurğulanır.
Xatırladaq ki, Əli Əsədov 30 noyabr 1956-cı ildə Naxçıvanda anadan olub. Bu gün onun 63 yaşı tamam olur.