Paytaxtda iki qardaş bıçaqlanıb.
YeniAvropa xəbər verir ki, hadisə Suraxanı rayonu ərazisində baş verib.
Suraxanı rayon Polis İdarəsindən verilən məlumata görə, rayonun Əmircan qəsəbəsində 1987-ci il təvəllüdlü Əliyev Ramin Natiq oğlu və 1993-cü il təvəllüdlü Əliyev Rauf Natiq oğlu bıçaqlanıblar. Hər iki yaralı təcili yardımın köməyi ilə xəstəxanaya çatdırılıb. Müayinə zamanı, Ramin Əliyevə kürək nahiyəsinin 1 ədəd kəsilmiş-deşilmiş yarası, Rauf Əliyevə isə sağ qolun 1 ədəd kəsilmiş-deşilmiş yarası diaqnozları qoyulub.
Yaralıların sözlərinə görə, onlara tanımadıqları şəxs bıçaq xəsarətləri yetirib.
Hadisənin təfərrüatı Suraxanı rayon Polis İdarəsində araşdırılır.
3570
3570
