logo

İbrahim Məmmədov Nazirlər Kabinetinin yeni mətbuat katibi oldu

19:59 19-11-2019 | icon 252
İbrahim Məmmədov Nazirlər Kabinetinin yeni mətbuat katibi oldu

“Bu gün baş nazir Əli Əsədovun sərəncamı ilə Nazirlər Kabinetinin mətbuat xidmətinin rəhbəri təyin olundum. Mənə göstərilən yüksək etimada görə təşəkkür edirəm!”.

YeniAvropa xəbər verir  ki,bunu Nazirlər Kabinetinin mətbuat xidmətinə yeni rəhbər təyin olunan İbrahim Məmmədov bildirib.

O, daha sonra bunları əlavə edib:

“Artıq bir aydan çoxdur ki, prezident İlham Əliyev yeni baş nazir təyin edib və Nazirlər Kabinetinin qarşısında iqtisadiyyatda dönüş etmək üçün mühüm tapşırıqlar qoyub. Prezidentin dərin islahatlarla bağlı siyasi iradəsini icra etmək məqsədilə Nazirlər Kabinetinə yeni kadrlar cəlb olunub. Yeni iş tempi, fəaliyyət metodları, yeni yanaşmalar tətbiq edilməkdədir. Qarşısında ciddi vəzifələr qoyulmuş və gözləntilərin yüksək olduğu bu komanda ilə işləmək şansı verildiyi üçün çox məmnunam və etimadı doğrultmağa çalışacağam. Bir daha hər kəsə minnətdaram!
Əvvəlki mətbuat xidmətinin rəhbəri, dostum Ayaz Mirzəyevə bundan sonrakı işlərində böyük uğurlar arzulayır və əməkdaşlığa ümid edirəm!”.

Nazirlər Kabinetinin mətbuat xidmətinin rəhbəri vəzifəsindən azad edilən Ayaz Mirzəyev sosial şəbəkədə həmkarına təşəkkür edib:

"Təşəkkür edirəm İbrahim müəllim. Mən də sizə bu məsuliyyətli işdə uğurlar arzu edirəm".