Fransanın cənub-şərqində yağan güclü qar azı 300 min evi elektriksiz qoyub.
YeniAvropa xarici KİV-ə istinadla xəbər verir ki, elektrik təchizatında kəsintilərin əsas səbəbi qarın ağırlığına tab gətirməyən ağacların aşaraq naqilləri qırmasıdır.
İzer departamentində isə yıxılan ağac bir sürücünün həyatına son qoyub.
"Enedis" elektrik təchizatı şirkətinin nümayəndəsi sözlərinə görə, qar Drom, Rona, Ardeş və İzer departamentlərində elektriklə bağlı vəziyyətə daha çox təsir göstərib.
Xatırladaq ki, ötən gün regionun yeddi departamentində güclü qar və buzlama səbəbindən narıncı təhlükə səviyyəsi elan olunub.