Bu gün Bağdaddan şimalda İŞİD silahlılarının hücumu nəticəsində İraq federal polisinin iki generalı həlak olub.
YeniAvropa xarici KİV-ə istinadla xəbər verir ki, bu barədə "Shafaq News" portalı ölkənin güc strukturlarındakı mənbələrə istinadla məlumat yayıb. Mənbələrin məlumatlarına əsasən, terrorçuların qurduğu pusquda Federal polisin 4-cü briqadasının komandanı general Əli əl-Lyami öldürülüb. Onunla birlikdə güc strukturunun daha 6 əməkdaşı – döyüş əməliyyatlarına cavabdeh briqada generalı Məhəmməd Alaui və 5 mühafizəçi də həyatını itirib.
İraq DİN-in başçısı Yasin əl-Yasiri komandanın ölüm faktını təsdiqləyib.
Generalların hərəkət etdiyi avtomobil karvanının yolu üzərində partlayıcı qurğunun işə düşdüyü və bundan sonra İŞİD qruplaşmasının hücuma keçdiyi bildirilir.