Qoşulmama Hərəkatının Bakıda keçiriləcək XVIII Zirvə Görüşünə ümumilikdə 60-a yaxın ölkənin dövlət və hökumət başçısı, həmçinin, beynəlxalq təşkilatların rəhbərləri qatılacaq.
YeniAvropa xəbər verir ki, bu barədə Azərbaycan xarici işlər nazirinin müavini Ramiz Həsənov bu gün keçirdiyi mətbuat konfransında məlumat verib.
O, həmçinin qeyd edib ki, tədbirin işıqlandırılması üçün 246 jurnalist akkreditasiyadan keçib.
Xatırladaq ki, Qoşulmama Hərəkatının XVIII Zirvə Görüşü oktyabrın 25-26-da Bakıda keçiriləcək. Oktyabrın 23-24-də isə təşkilata üzv ölkələrin xarici işlər nazirləri sammitə hazırlıq məsələlərini müzakirə edəcəklər.