Gələn il 2 Günəş, 4 Ay tutulma hadisəsi müşahidə ediləcək
Azərbaycan Milli Elmlər Akademiyası N.Tusi adına Şamaxı Astrofizika Rəsədxanası 2020-ci ildə gözlənilən Günəş və Ay tutulmalarının vaxtlarını açıqlayıb.
Rəsədxanadan YeniAvropa -ya bildiriblər ki, 2020-ci ildə 6 tutulma hadisəsi müşahidə ediləcək. Bunların 2-si Günəş, 4-ü isə Ay tutulması olacaq. Sonuncu dəfə bu sayda tutulma hadisəsi 2009-cu ildə baş verib. Ən çox tutulma hadisəsi isə 2038-ci ildə gözlənilir. Həmin il 7 tutulma hadisəsindən 3-ü Günəş, 4-ü isə Ay tutulması olacaq.
2020-ci ildə baş verəcək 6 tutulma hadisəsindən Azərbaycanda yalnız 3-ü müşahidə ediləcək. Bunlardan 1-i Günəş, 2-si isə Ay tutulması olacaq.
Həmin il Günəş tutulması iyunun 21-də baş verəcək. Bu tutulma həlqəvari Günəş tutulmasıdır. Tutulma hadisəsi saat 7.46-da başlayacaq və saat 13.34-də sona çatacaq. 5 saat 48 dəqiqə davam edəcək tutulma hadisəsi Afrika, Cənub-Şərqi Avropa və Asiyada müşahidə olunacaq. Günəş tutulmasının həlqəvari fazasını isə Mərkəzi Afrika Respublikası, Konqo və Efiopiya da daxil olmaqla, Afrikanın bir hissəsindən, Cənubi Pakistan, Şimali Hindistan və Çindən müşahidə etmək mümkün olacaq. Azərbaycan ərazisində isə qismən Günəş tutulması müşahidə ediləcək. Tutulma Azərbaycan ərazisi üçün saat 8.47-də başlayıb saat 11.05-də sona çatacaq.
Növbəti Günəş tutulması isə dekabrın 14-də baş verəcək. Bu tutulma tam Günəş tutulmasıdır. Tutulma hadisəsi saat 17.34-də başlayacaq və saat 22.53-də sona çatacaq. 5 saat 19 dəqiqə davam edəcək tutulma hadisəsi Cənubi Amerikanın orta və cənub hissələrində, Atlantik və Sakit okeanda və Antarktidada müşahidə olunacaq. Tam tutulma isə Sakit və Atlantik okeanların cənubunda, Çili və Argentinada müşahidə ediləcək. Tutulma hadisəsi Azərbaycanda müşahidə olunmayacaq.
Qeyd edildiyi kimi, 2020-ci ildə 4 Ay tutulması müşahidə ediləcək. Bütün tutulmalar yarımkölgəli Ay tutulması olduğundan adi gözlə görmək çətin olacaq. Birinci Ay tutulması yanvarın 10-dan 11-nə keçən gecə baş verəcək. Tutulma hadisəsi saat 21.08-də başlayacaq və saat 01.12-də sona çatacaq. Tutulmanın maksimumu saat 23.11-də olacaq. Bu hadisəni Avropa, Asiya, Afrika, Avstraliyada müşahidə etmək mümkün olacaq. Tutulmanın maksimum fazasında Ay adi bədirlənmiş (dolu) aydan bir az tünd görünəcək. Tutulma hadisəsi Azərbaycanda da müşahidə ediləcək.
İkinci Ay tutulması iyun ayının 5-dən 6-na keçən gecə baş verəcək. Tutulma hadisəsi saat 21.46-da başlayacaq və saat 01.04-də sona çatacaq. Tutulmanın maksimumu saat 23.26-da olacaq. Tutulma hadisəsini Avropa, Asiya, Afrika, Avstraliyada müşahidə etmək mümkün olacaq. Tutulma hadisəsi Azərbaycanda da müşahidə ediləcək.
Üçüncü Ay tutulması iyulun 5-də baş verəcək. Tutulma hadisəsi saat 03.07-də başlayacaq və saat 05.52-də sona çatacaq. Bu tutulmanı Cənub-Qərbi Avropa, Afrikanın çox hissəsi, Şimali Amerikanın çox hissəsi, Cənubi Amerika, Sakit, Atlantik və Hind okeanı, Antarktidada müşahidə etmək mümkün olacaq. Lakin bu hadisə Azərbaycanda müşahidə olunmayacaq.
Dördüncü Ay tutulması noyabrın 30-da baş verəcək. Bu, 2020-ci ilin axırıncı yarımkölgəli Ay tutulması olacaq. Tutulma hadisəsi saat 11.32-də başlayacaq və saat 15.53-də sona çatacaq. Tutulma hadisəsi Şimali və Cənubi Amerikada, Avstraliyada və Asiyanın bəzi bölgələrində müşahidə olunacaq. Tutulmanın maksimum fazasında Ay adi bədirlənmiş (dolu) aydan bir az tünd görünəcək. Tutulma vaxtı Ay üfüqdən aşağıda olduğuna görə hadisə Azərbaycanda müşahidə edilməyəcək.
İlham Əliyevlə Sadır Japarov Ağdamda Şahbulaq qalasında olub
Bakıda dünya qastroenteroloqlarının konqresi işə başlayıb
Azərbaycan və Qırğızıstan prezidentləri Ağdam Konfrans Mərkəzində olublar
Macarıstan Qarabağın minalardan təmizlənməsinə dəstək verməyə hazırdır
Sabah Bakıda 29° isti olacaq
Baş Prokurorluqdan Nəsib Quliyevin intiharı ilə bağlı açıqlama
İlham Əliyevlə Sadır Japarov Ağdam Cümə məscidinin açılışında iştirak edib
Bakıda Türk dövlətləri parlamentlərinin komitə sədrlərinin iclası keçirilir
Macarıstan şirkətlərinin Qarabağın bərpasında iştirak edəcək
Azərbaycan və Qırğızıstan prezidentləri Ağdama səfər edib
Macarıstanın xarici işlər naziri Azərbaycana səfərə gəlib
“Qarabağ”la “Zirə” Azərbaycan Kubokunun finalına qarşılaşacaq
Qırğızıstan prezidenti Sadır Japarov Füzuli rayonuna gəlib
Azərbaycan Ordusunda komanda-qərargah təlimləri keçirilir
Mayın 1-dən Azərbaycanda balıq ovuna moratorium qüvvəyə minir
Çində sayca beşinci “Azərbaycan Ticarət Evi” açılıb
Azərbaycan nefti 89,49 dollara satılır
Ötən gün cinayət törətməkdə şübhəli bilinən 60 nəfər saxlanılıb
Avropa Komissiyası Ukraynaya 1,5 milyard avro yardım ayırıb
Azərbaycan Kuboku: “Qarabağ” “Neftçi”ni məğlub edərək finala yüksəlib
Qırğızıstan prezidentinin şərəfinə “Gülüstan” sarayında ziyafət verilib
Bayden Ukraynaya 61 milyard dollarlıq hərbi yardım haqda qanunu imzalayıb
İlham Əliyev və Sadır Japarov Çingiz Aytmatovun abidəsinin açılışında iştirak ediblər
“Bakcell” bütün ölkəni bulvardakı konsertə çağırır
Qırğızıstan prezidenti Şəhidlər xiyabanını ziyarət edib