Hacıqabul rayonunda ağır yol qəzası baş verib.
YeniAvropa xəbər verir ki, hadisə Bakı-Qazax magistralının avtomobil yolunun 123-cü kilometrliyində, Şirvan-Hacıqabul körpüsündə baş verib.
Bakı şəhər sakini, 1969-cu il təvəllüdlü Aydın Allahverdiyevin idarə etdiyi “Mercedes” markalı minik avtomobili idarəetmədən çıxaraq yolun kənarındakı kiçik təzyiqli qaz xəttinə çırpılıb. Hadisə nəticəsində sürücü, onun həyat yoldaşı Ruhiyyə Allahverdiyeva, azyaşlı övladları Xəyal Allahverdiyev və Elvira Allahverdiyeva müxtəlif dərəcəli bədən xəsarətləri alıblar. Yaralılar Şirvan Şəhər Mərkəzi Xəstəxanasına çatdırılıb. Həkimlərin səyinə baxmayaraq, Ruhiyyə Allahverdiyeva xəstəxanada dünyasını dəyişib.
Faktla bağlı BDYPİ-də araşdırma aparılır.
4130
4130
