Gürcüstan prezidenti Salome Zurabişvili ölkədə qeyd olunan “Mariamoba” bayramı münasibətilə 34 məhkumu əfv edib.
YeniAvropa yerli mətbuata istinadla xəbər verir ki, əfv olunanlardan 8-i qadın, 1-i isə yeniyetmədir.
Prezident Administrasiyası rəhbərinin müavininin vəzifələrini icra edən Angi Xutsişvili KİV-ə açıqlamasında bildirib ki, Salome Zurabişvili prezident seçildikdən sonra artıq 91 nəfərin əfv olunması ilə bağlı fərmanlar imzalayıb. “Bu proses davamlı olacaq və ölkə başçısı gələcəkdə də belə fərmanlar imzalayacaq”, – deyə A.Xutşişvili vurğulayıb.