Böyük Britaniya İrana məxsus neft tankerini azad etməklə işini bitmiş hesab etməməlidir.
YeniAvropa yerli mətbuata istinadla xəbər verir ki, bu sözləri İranın məhkəmə qüvvələrinin rəhbəri İbrahim Rəisi deyib.
O bildirib ki, baş verən qanunsuzluğa görə Böyük Britaniya İrana təzminat ödəməlidir. İ.Rəsi qeyd edib ki, Britaniya məhkəməsi işi axıra kimi araşdırmayıb. Sadəcə olaraq gəminin azad olunması haqqında qərar verib. Bununla yanaşı, məhkəmə günahkarları cəzalandırmalı və müvafiq hesablama aparıb İrana təzminat ödənilməsi haqqında da qərar çıxarmalı idi. Onun sözlərinə görə, İran bu məsələni diqqətdə saxlayaraq təzminat ödənilməsi barədə beynəlxalq məhkəməyə müraciət edəcək.
2583
2583
