Bu ilin altı ayı ərzində Ukrayna əhalisinin sayı 143,1 min nəfər azalıb.
YeniAvropa yerli mətbuata istinadla xəbər verir ki, bu barədə Ukraynanın Dövlət Statistika Xidməti məlumat yayıb. Bildirilib ki, iyulun 1-nə olan statistik məlumatlara əsasən, ölkə əhalisinin sayı 42 milyon 10 min nəfər təşkil edib. Ölkədə hər 100 nəfərin ölümü müqabilində cəmi 49 doğuş qeydə alınıb. Yanvarın 1-nə olan göstəricidə isə Ukraynada 42 milyon 153 min 2 nəfər əhali olub.
Qeyd edək ki, Ukraynada əhalinin azalma tendensiyası bir neçə ildir davam edir. Beynəlxalq Valyuta Fondunun proqnozuna görə, 2024-cü ildə Ukraynada əhalinin sayı 41 milyon 47 min nəfər olacaq. Bu da o deməkdir ki, 6 ildə ölkə əhalisinin sayı 1 milyon azalacaq. Təkcə 2018-ci ildə, əvvəlki ilə nisbətdə Ukrayna əhalisinin sayı 233 min nəfər azalıb.
2667
2667
