UEFA Avropa Liqasının üçüncü təsnifat mərhələsi çərçivəsində "Neftçi" komandası oyunun son saniyələrində "Bney Yehuda"nın qapısına yol taparaq hesabı bərabərləşdirib.
YeniAvropa xəbər verir ki, "Dalğa Arena"da keçirilən oyunda bakılılar 90+5-ci dəqiqədə Namiq Əkəsgərovun qolu ilə hesabı bərabərləşdiriblər - 2:2. Bu qol sayəsində "Neftçi" məğlubiyyətdən xilas ola bilib.
Qeyd edək ki, "Neftçi" - "Bney Yehuda" qarşılaşmasının 26-cı dəqiqəsində Tambi Saqas hesabı açdı 0-1. Bundan təqribən 10 dəqiqə sonra, 36-cı dəqiqədə isə Məhəmməd Qədir 2-ci topu "Neftçi"nin qapısından keçirdi: 0-2.
"Neftçi"nin legioneri Stiven Jozef-Monroz matçın 42-ci dəqiqəsində hesab arasındakı fərqi azaltdı: 1-2. Oyunun 1-ci hissəsi bu hesabla başa çatıb.
Xatırladaq ki, komandalar arasındakı cavab görüşü bir həftə sonra İsraildə olacaq. Bu cütün qalibi Avropa Liqasının pley-off mərhələsində "Malmö" (İsveç) - "Zrinski" (Bosniya və Herseqovina) duelinin güclüsü ilə qarşılaşacaq.
3185
3185
