2583
Rusiyalı turistlərin 58 faizi Gürcüstana dəniz nəqliyyatı vasitəsilə gəlib. Avtomobillə səfərdən yalnız 7, 1 faiz turist istifadə edib.
Məsələn, əgər ötən il Rusiya və Gürcüstan arasında yeganə sərhəd keçidi olan Yuxarı Lars buraxılış məntəqəsindən gələn turistlərin sayı ötən il 124 min nəfər idisə, bu il onların sayı 134 minə çatıb.
Qeyd edilir ki, bu rəqəmlərə həm də Gürcüstandan keçərək Ermənistan və ya Türkiyəyə gedənlər də daxildir.
Bəs rusiyalı turistləri Gürcüstana çəkib gətirən nədir? Rəyi soruşulan turistlərin 35, 8 faizi əyləncə və istirahətin əsas məqsəd olduğunu bildirir. Rusiyalı turistlərin 21, 6 faizi Gürcüstana dostlara və qohumlara baş çəkmək məqsədilə gəldiyini bildirir. Ən maraqlısı isə odur ki, Gürcüstana gələn rusiyalı turistlərin 3, 2 faizinin məqsədi müalicə almaqdır. Üstəlik bu da bəlli olub ki, Gürcüstan məxsusi olaraq “yeyib-içməyə” gedən rusiyalı turistlər üçün lider istiqamətdir.
Gürcüstan İqtisadiyyat Nazirliyinin məlumatına görə ölkənin turizmdən gəlirləri bu ilin əvvəllərindən ÜDM-in 7, 1 faizini təşkil edib.
Rusiya ilə münasibətlər pisləşməzdən əvvəl turizmdən götürülən gəlir 578 milyon dollar idi. Bu, ötən ilin müvafiq dövründən 5 faiz çoxdur. Bu isə o deməkdir ki, Moskva ilə Tbilisi arasında iyun-iyul aylarında yaşanmış gərginlik Gürcüstanın turizmdən əldə etdiyi gəlirləri azaltmayıb.
O da bildirilir ki, bu ilin iyulunda Gürcüstana 1 milyondan çox beynəlxalq turist gəlib. Bu, 2018-ci ilin müvafiq dövrü ilə müqayisədə 5, 8 faiz çoxdur. Həmin turistlərin arasında Gürcüstanda 24 saatdan artıq qalanların sayı 1 faiz artıb.
Xatırladaq ki, bu ilin iyun-iyul aylarında Gürcüstanda baş vermiş izdihamlı anti-Rusiya etirazlarının ardınca Rusiya prezidenti Vladimir Putin Tbilisini cəzalandırmaq məqsədilə Gürcüstana bütün təyyarə reyslərini qadağan edib.
AzadlıqRadiosu
