Xəzərin Novxanı kəndi ərazisində dənizdə bir nəfər batıb.
Fövqəladə Hallar Nazirliyindən YeniAvropaya bildirilib ki, qurumun “112” qaynar telefon xəttinə Abşeron rayonunun Novxanı kəndində dənizdə, qeyri-çimərlik ərazidə (nəzarətsiz) 1 nəfərin batması barədə məlumat daxil olub.
Dərhal nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub. Axtarış nəticəsində batan şəxsin meyiti Corat qəsəbəsi yaxınlığında dənizdən aşkarlanaraq sudan çıxarılıb. Onun 1990-cı il təvəllüdlü Sumqayıt şəhər sakini Pərviz Məmmədov olduğu müəyyən edilib.
Meyit aidiyyəti üzrə təhvil verilib.
Faktla bağlı araşdırma aparılır.
2590
2590
