İran prezidenti Həsən Ruhani Təbriz Beynəlxalq Xalça Sərgisinin açılışında dünyanın ən böyük əldə toxuma xalısını təqdim edib.
YeniAvropa yerli KİV-ə istinadən bildirir ki, təbrizli ustaların ərsəyə gətirdikləri 600 kvadratmetrlik və çəkisi 3 ton olan bu nadir sənət nümunəsində 70 rəngdən istifadə edilib. Onun toxunması altı il davam edib. Bu nadir əl işini Təbriz Beynəlxalq Xalça Sərgisində avqustun 4-dək nümayiş olunacaq.
Qeyd olunur ki, Təbriz Beynəlxalq Xalça Sərgisində Qərbi və Şərqi Azərbaycandan olan ustalarla yanaşı, Gilan, Qum, Tehran şəhərlərinin də xalçaçıları iştirak edirlər.