Əfqanıstanın Milli Ordusunun generalı radikal "Taliban" hərəkatının silahlıları tərəfindən öldürülüb.
YeniAvropa xarici KİV-ə istinadla xəbər verir ki, Əfqanıstan Müdafiə Nazirliyi faktı təsdiqləyib. Nazirlikdən verilən məlumata görə, general Əbdül Mübin Müdctəb Qəzni vilayətinin alayına komandanlıq edib. O, Qəzni və Qəndəhar vilayətləri arasındakı postu yoxlayarkən qətlə yetirilib.
Hücumda "Taliban" hərəkatının iki əsgəri iştirak edib. Onlardan biri öldürülüb, digəri isə yaralanıb.