İyulun 6-da Tbilisidə parlament binası qarşısında növbəti aksiya başlayıb.
YeniAvropa yerli mətbuata istinadla xəbər verir ki, 17 gündür davam edən mitinqdə tələb yenə də dəyişməyib. Narazı kütlə daxili işlər naziri Giorgi Qaxarianın istefasını tələb edir.
Aksiyaya müxalif “Avropalı Gürcüstan” və “Vahid Milli Hərəkat” partiyalarının liderləri və tərəfdarları da qoşulub. Təşkilatçıların sözlərinə görə, aksiya hakim “Gürcü arzusu-demokratik Gürcüstan” Partiyasının sədri Bidzina İvanişvilinin iqamətgahına doğru “Azadlıq yürüşü” ilə davam etdiriləcək.
Aksiyada kütləvilik müşahidə olunur. Parlament binası qarşısındakı Rustaveli prospekti avtomobillərin hərəkəti üçün bağlanıb.