İyunun 25-də Bakıda Azərbaycan-Monteneqro biznes forumu keçirilib.
YeniAvropa xəbər verir ki, tədbirdə Monteneqronun baş naziri Duşko Markoviç , əmək və əhalinin sosial müdafiəsi naziri Sahil Babayev, hər iki ölkədən olan biznes strukturlarının nümayəndələri iştirak ediblər.
Biznes forumda çıxış edən əmək və əhalinin sosial müdafiəsi naziri Sahil Babayev hər iki tərəfin işgüzar dairələri arasında baş tutan tədbirin Azərbaycanın və Monteneqronun iqtisadi əməkdaşlığını daha da genişləndirəcəyini deyib. Nazir qeyd edib ki, Azərbaycan Monteneqroda ən böyük investorlardan biridir. Ölkələrimiz arasında ticarət əlaqələrinin inkişaf etdirilməsinin iqtisadi əməkdaşlığın əsas istiqamətlərindən biri olduğunu deyən nazir bildirib ki, məqsəd ticarətin həcmini daha da artırmaq və onun strukturunu şaxələndirməkdir. S.Babayev hər iki ölkənin işgüzar dairələrini qarşılıqlı birgə faydalı layihələri həyata keçirməyə dəvət edib.
Monteneqronun baş naziri Duşko Markoviç iki ölkənin iqtisadi əməkdaşlığının ildən-ilə genişləndiyini və biznes forumun bu sahədə növbəti irəliləyişlərə imkan yaradacağını vurğulayıb.
2688
2688
