logo

Bu axşam “Eurovision 2019” mahnı müsabiqəsinin ilk yarımfinalı keçiriləcək

16:10 14-05-2019 | icon 4564
Bu axşam “Eurovision 2019” mahnı müsabiqəsinin ilk yarımfinalı keçiriləcək

Bu axşam “Eurovision 2019” beynəlxalq mahnı müsabiqəsinin yarımfinalı keçiriləcək.

 YeniAvropa xəbər verir  ki, İsrailin Təl-Əviv şəhərinin Sərgi Mərkəzində baş tutacaq ilk yarımfinalda 17 ölkə - Kipr, Çernoqoriya, Finlandiya, Polşa, Sloveniya, Çexiya, Macarıstan, Belarus, Serbiya, Belçika, Gürcüstan, Avstraliya, İslandiya, Estoniya, Portuqaliya, Yunanıstan və San-Marino çıxış edəcək.

Təmsilçimiz Çingiz Mustafayev “Truth” mahnısı ilə mayın 16-da keçiriləcək ikinci yarımfinalda 18-ci nömrə altında səhnəyə çıxacaq.

Müsabiqənin finalı isə mayın 18-də baş tutacaq.

Xatırladaq ki, İsrail festivalının keçirilməsi hüququna 2018-ci il mayın 13-də Lissabonda “Eurovision” müsabiqəsində israilli Netta Barzilayın “Toy” mahnısı ilə qazandığı qələbədən sonra nail olub.