logo

"Tokio-2020" Yay Olimpiadanın biletləri mayda satışa çıxarılacaq

12:49 18-04-2019 | icon 2954
"Tokio-2020" Yay Olimpiadanın biletləri mayda satışa çıxarılacaq

Gələn il Yaponiyanın paytaxtı Tokio şəhərində keçiriləcək XXXII Yay Olimpiya və XVI Paralimpiya Oyunlarının ilk biletləri mayın 9-da satışa çıxarılacaq.

YeniAvropa xəbər verir  ki, bu barədə təşkilat komitəsi məlumat yayıb. Biletlərin ilk komplekti xüsusi lotereya vasitəsilə satışa çıxarılacaq. Bu biletləri əldə etmək istəyənlər oyunların saytında qeydiyyatdan keçməli və bu barədə müraciət yerləşdirməlidirlər. Biletlərin potensial alıcıları Yaponiya ərazisində yaşamalıdırlar. Lotereyanın nəticələri iyunun 20-də elan ediləcək.

Cari ilin payızında biletlərin satışının ikinci mərhələsi başlanacaq. Bu mərhələdə ilk turda müraciət edən, lakin bilet ala bilməyənlər iştirak edəcəklər. Oyunlara biletlərin sərbəst satışına yalnız 2020-ci ilin yazında başlanacaq.

Təşkilatçılar bildiriblər ki, tamaşaçılara təklif edilən milyonlarla biletin qiyməti 2500 yen (təqribən 22 dollar), əsas paket üçün isə 8000 yen (təqribən 72 dollar) müəyyən edilib.